Դահուկային սպորտի  և սնոուբորդի միջազգային ֆեդերացիան (FIS) հաստատել է 2023թ. աշխարհի առաջնության ծրագիրը: Մրցումները կանցկացվեն  Պլանիցայում (Սլովենիա):

Բացման արարողությունը տեղի կունենա փետրվարի 21-ին և  կավարտվի մարտի 5-ին՝  տղամարդկանց 50 կմ մարաթոնով։

Ավելի վաղ քննարկվել է  հարևան  երկու երկրների՝  Տարվիզիո (Իտալիա) և Պլանիցա (Սլովենիա) քաղաքներում կանանց և տղամարդկանց 30 և 50 կմ մրցավազքի  անցկացման հարցը:

FIS-ը հրաժարվել  է այդ գաղափարից՝  բնապահպանական խնդիրների, լոգիստիկ դժվարությունների և էներգետիկ ծախսերի պատճառով: Եթե նախաձեռնությունը հավանության արժանանար, ապա դա կլիներ աշխարհի առաջնությունների պատմության մեջ առաջին դեպքը, երբ մեկ մրցավազքը  կանցներ  երկու երկրների տարածքով։