ՎԱՐԿԱՆՒՇԱՅԻՆՈՒՄ ԵՐԿՐՈՐԴՆ ԵՆ

10:57 - 14 Նոյ, 2022

Մրցաշրջան 2021 –ը մոտենում է ավարտին  և ըմբշամարտի միջազգային ֆեդերացիան  / UWW /  հրապարակել է հունահռոմեական ու ազատ ոճի տասը քաշային կարգերի  վարկանիշային   աղյուսակները: Յուրաքանչյուր քաշային կարգի երեք լավագույն ըմբիշները կստանան համապատասխան  դրամական մրցանակներ:

Ցանկում  ընդգրկված է Հայաստանի  երկու ներկայացուցիչ:  97 կգ քաշայինների մեջ,  հունահռոմեական ոճի ըմբիշ, օլիմպիական խաղերի, աշխարհի քառակի ու Եվրոպայի հնգակի չեմպիոն Արթուր Ալեքսանյանը  երկրորդն   է բուլղարացի Կիրիլ Միլովից հետո: Արթուրը կստանա երեք հազար, իսկ Միլովը ՝ հինգ հազար ԱՄՆ դոլար: Ադրբեջանցի Արիֆ Նիֆտուլաևը երրորդն է ՝ 2000 դոլար:

Ազատ ըմբշամարտի 61 կգ քաշային կարգի աղյուսակը  գլխավորում է ճապոնացի  Ռեի Հիգուչին /  5000 դոլար /,  Արսեն Հարությունյանը երկրորդն է  և կպարգևատրվի 3000 դոլարով, իսկ   թուրք Սուլեյման Աթլին եզրափակում է եռյակը   / 2000 դոլար /:

 

Այլ նորություններ