Կապանցի անվանի եռացատկորդ Լևոն Աղասյանը կմասնակցի Ղազախստանում փետրվարի 18 –ին անցկացվելիք միջազգային մրցաշարին:

Մասնակիցները կվիճարկեն աշխարհի չեմպիոնուհի, օլիմպիական խաղերի բրոնզե, արծաթե և ոսկե մեդալակիր  Օլգա  Ռիպակովայի անվան մրցանակները: Այդ մարզուհին տասնյակ հաղթանակներ է նվաճել հեռացատկի, եռացատկի և յոթնամարտի միջազգային ստուգատեսներում:

Օ. Ռիպակովան գործուն սպորտին հրաժեշտ տալու լուրը պաշտոնապես հայտարարել է  օրեր առաջ ՝ փետրվարի 13 –ին:

Կապանցիներ Լևոն Աղասյանը և Յանա Սարգսյանը   Ստամբուլում կմասնակցեն  մարտի երկուսին մեկնարկելիք Եվրոպայի առաջնությանը: Հնարավոր  է  նաև Բելգրադում օրերս լուրջ հաջողության հասած , 1500մ. վազքատարծությունում ՀՀ ռեկորդ սահմանած գյումրեցի Երվանդ Մկրտչյանի մասնակցությունը: