Գերմանիայի Կոտբուս քաղաքում ավարտվեց սպորտային մարմնամարզության առանձին գործիքներից աշխարհի գավաթի խաղարկության առաջին փուլը:

Հայաստանի պատվիրակներից առավել հաջող հանդես եկավ և հաղթողի պատվին արժանացավ անվանի հենացատկորդ  Արթուր Դավթյանը:

Նժուգթափերում երկրորդը ճանաչվեց  շնորհալի Գագիկ Խաչիկյանը: Դա նրա առաջին հաջողությունն է մեծահասակների մրցումներում:

Օղակների վրա երրորդ տեղով բավարարվեց Արթուր Ավետիսյանը:

Մրցավարտից հետո մեր հավաքականը մեկնեց Դոհա, որտեղ կմասնակցի մարտի մեկին սկսվող աշխարհի գավաթի խաղարկության երկրորդ փուլի մրցումներին: