Բռնցքամարտի միջազգային ասոցիացիան (IBA) հայտարարել է, որ Հնդկաստանի Նյու Դելի քաղաքում 2023թ.  կայանալիք բռնցքամարտի կանանց աշխարհի առաջնության շրջանակներում տեղի կունենա  համաժողով: 

Մարտի 24-ին նախատեսված միջոցառումը  կներառի մի շարք շնորհանդեսներ, հարցազրույցներ, նիստեր ՝ հավասար հնարավորություններ թեմայով: Մասնակիցները  կքննարկեն սպորտում կանանց մասնակցության խոչընդոտները վերացնելու ուղիների, կին մարզիչների առաջադիմելու, մարզիկների ֆիզիկական և մտավոր բարեկեցությունը բավարարելու,   ֆինանսական կայունությունը ապահովելու և  այլ  հարցեր: 

IBA-ի կանանց բռնցքամարտի աշխարհի առաջնությունը կանցկացվի մարտի 15-26-ը <<  Ջադհավ >>  մարզահամալիրում: Այն ունի  6000 նստելատեղ:

Առաջնությունում  հանդես կգան շուրջ  80  երկրների մարզուհիներ:

Մրցանակային հիմնադրամը կազմում է   2,4 միլիոն դոլար:  12 քաշային կարգերից յուրաքանչյուրի հաղթողը կստանա 100,000, արծաթե մեդալակիրը՝  50,000, իսկ  երրորդ մրցանակակիրները՝   25,000-ական ԱՄՆ դոլար: