ՍՊՈՐՏԸ ՀԶՈՐ ՄԻՋՈՑ Է
Սպորտը կարևոր դեր է խաղում ապահով համայնքներ կառուցելու, բռնության և հանցագործության դեմ պայքարելու համար:
Թեման քննարկվել է միջազգային օլիմպիական կոմիտեի (ՄՕԿ) և ՄԱԿ-ի թմրամիջոցների ու հանցավորության դեմ պայքարի գրասենյակի (UNODC) համագործակցությամբ:
Միջոցառումը կայացել է Վիեննայում:
ՄՕԿ-ի անդամ Քիրսթի Քովենթրին ասել է, որ սպորտն ավելին է, քան պարզապես ֆիզիկական ակտիվությունը: Այն մարդկանց և համայնքներ միավորելու հզոր միջոց է:
Հետազոտությունները ապացուցել են, որ սպորտի քաղաքականությունը կարևոր դեր է խաղում երիտասարդներին ակտիվ գործակալներ դարձնելու համար: Այն նաև նպաստում է ՄՕԿ –ի սահմանած ռազմավարական առաջնահերթությունների իրականացմանը:
Պետք է միավորել ուժերը, ֆիզիկական ակտիվության միջոցով երիտասարդների հանցագործության կանխարգելման ընդհանուր նպատակներին հասնելու համար:
Քովենթրին նաև համախմբման կոչով դիմել է ՄԱԿ-ի անդամ երկրներին, քրեական արդարադատության ոլորտը կառավարողներին, քաղհասարակությանը, զարգացման բանկերին, բիզնեսին, ազգային և տարածաշրջանային մարզական կազմակերպություններին, խոշոր սպորտային միջոցառումների կազմակերպիչներին, որոնք կարող են շատ ավելի մեծ ազդեցություն ունենալ հանցավոր վարքի վրա, քան միայն իրավապահները, և կարող են բարելավել առողջության, կրթության ու սոցիալական ոլորտների լայն շրջանակը:
