Ալբանիայի մայրաքաղաք Տիրանայում ընթանում է Եվրոպայի հունահռոմեական ըմբշամարտի պատանեկան առաջնությունը: Հայաստանի ներկայացուցիչներից վստահ մրցելույթներ ունեցավ Պետրոս Աշկարյանը  (65 կգ ):

Էջմիածինցի տղան հաղթեց բոլոր մրցակիցներին, գրավեց առաջին տեղը և կանգնեց պատվո պատվանդանի չեմպիոնական աստիճանին:

Պետրոսը Երևանի պետական օլիմպիական մարզական քոլեջի սովորող է:    Անձնական մարզիչն է Սիմոն Կարապետյանը:

Այսօր երրորդ տեղի համար պայքարելու են Յուրի Մխիթարյանը (45 կգ), Սամվել Տերտերյանը (60 կգ), Գոռ Խաչատրյանը (71 կգ) և  Գրիշա Ոսկանյանը (92 կգ):