Միջազգային օլիմպիական կոմիտեն (ՄՕԿ) մշակել է օլիմպիական խարտիայում  մարդու իրավունքներին վերաբերող  համապատասխան փոփոխություններ կատարելու մասին:

ՄՕԿ-ի գործկոմը  նախագիծը կներկայացնի  ՄՕԿ-ի 141-րդ նստաշրջանին , որը տեղի կունենա  հոկտեմբերի 14 – 17 –ը՝ Հնդկաստանի Մումբայ քաղաքում:

Առաջարկը նպատակ ունի լրացուցիչ ձևակերպում  ներառել օլիմպիզմի հիմնարար սկզբունքներում  / առաջին և չորրորդ կետերում/:

Առաջարկվող ձևակերպումը  հետևյալն է. օլիմպիզմը կյանքի փիլիսոփայություն է, որը բարձրացնում և համատեղում է մարմնի, կամքի և մտքի որակները մեկ ամբողջության մեջ:

Համատեղելով սպորտը մշակույթի և կրթության հետ, օլիմպիզմը ձգտում է ստեղծել ապրելակերպ, որը հիմնված է կրթական արժեքի, սոցիալական պատասխանատվության, մարդու իրավունքների և բարեվարքային   սկզբունքների վրա:

Չորրորդ հիմնարար սկզբունքի առաջարկվող ձևակերպումը հետևյալն է. յուրաքանչյուր ոք պետք է ունենա սպորտով զբաղվելու հնարավորություն ՝ առանց որևէ խտրականության:  

Օլիմպիզմը  պահանջում է փոխըմբռնում բարեկամության, համերաշխության և արդար խաղի ոգով:

- Սա կարևոր քայլ է մարդու իրավունքները հարգելու մեր հանձնառության մեջ , - ասել Է ՄՕԿ-ի նախագահ Թոմաս Բախը: - Օլիմպիական խարտիայի այս փոփոխությամբ մենք նաև հստակ ուղերձ ենք հղում շահագրգիռ  կողմերին։

ՄՕԿ-ը նախատեսում է նաև օլիմպիական խարտիան համապատասխանեցնել մարզիկների ինքնարտահայտման ուղեցույցներին, որոնք ներկայացվել են ՄՕԿ-ի գործկոմին՝ 2021թ. ապրիլի 21-ին և հաջողությամբ կիրառվել են 2020թ. Տոկիոյի ամառային,  այնուհետև 2022թ.  Պեկինի ձմեռային օլիմպիական խաղերում: