Ֆրանսիայի մայրաքաղաքում   նշվում է << Խելացի քաղաքներ և սպորտ >> անվանումով  համաժողովի  10-ամյակը:

Միջոցառմանը մասնակցում է նաև ՄՕԿ-ի նախագահ Թոմաս Բախը: Նա պատասխանել է ներկաների  հարցերին և նշել այն առավելությունները, որոնք արդեն  դրական  են ազդել   << Փարիզ – 2024 >> –ի ժառանգության վրա:

Բախը բարձր է գնահատել  << Մարաթոն բոլորի համար >> նախաձեռնությունը, որտեղ առաջին անգամ հանրությունը  կկարողանա վազել  սահմանված  վազքատարածությունը, ինչպես նաև   տարրական դպրոցներում ամենօրյա 30 րոպե ֆիզիկական ակտիվության ներդրումը, որը կշարունակվի նաև խաղերից հետո:  

Նա նաև ողջունել է  պարօլիմպիկ խաղերի  ժառանգության  փաստը:  Ֆրանսիայում 3000 մարզական ակումբներում մասնագետները կվերապատրաստվեն հաշմանդամություն ունեցող մարդկանց հետ աշխատելու  համար:  

Ինչ վերաբերում է սոցիալական նորարարությանը, Բախը հիշեցրել է, որ Փարիզի  խաղերը կլինեն ավելի  << երիտասարդ >>,  ավելի կայուն, ավելի քաղաքային և ներառական, քան երբևէ:

<< Փարիզ 2024 >> -ը  լուծում է օլիմպիական օրակարգում ուրվագծված հիմնական խնդիրները:  Մրցավայրերի 95 տոկոսը գործող է:  

Նպատակ կա  կրճատել ածխածնի արտանետումները:

Կարևոր է և այն, որ  պատմության մեջ առաջին անգամ ՄՕԿ-ը  քվոտային  հավասար տեղեր է հատկացրել  մարզիկ - մարզուհիների համար: Մարզահանդեսը   կանցկացվի  գենդերային լիարժեք հավասարության պայմաններում:

Մարզական  միջոցառումների կազմակերպումը հյուրընկալող քաղաքներին  հնարավորություն է տալիս հաշվի առնել առկա համալիրները. գնահատել կարճաժամկետ և երկարաժամկետ լուծումները,  տնտեսական, քաղաքային և սոցիալական խնդիրները,  գործողությունների պլանավորումը  ու  նպաստում  է  քաղաքի վերափոխմանը:  

<< Խելացի քաղաքներ և սպորտ >>  նախաձեռնությունը հիմնադրվել է 2014 թվականին: Ամենամյա միջոցառումը անցկացվում է օլիմպիական քաղաքների  համաշխարհային դաշինքի նախաձեռնությամբ: