Փարիզում  ամռանը կայանալիք օլիմպիական խաղերի պաշտպանության համար նախատեսված ռազմական կոնտինգենտը կմեծանա:  Այս մասին հայտնել է  երկրի  ցամաքային զորքերի գլխավոր շտաբի պետ Պիեռ Շիլին։ «Օլիմպիական խաղերը չափազանց կարևոր իրադարձություն է  լինելու մեր երկրի համար: Զինված ուժերում և ցամաքային զորքերում  տեղակայելու ենք  շուրջ  20 հազար  ծառայողներ»,- ասել է  նա: 

Շիլը պարզաբանել է, որ զինվորականները ողջ երկրում կուղեկցեն օլիմպիական  ջահի  փոխանցավազքի մասնակիցներին։ Մրցումների  ընթացքում նրանք կաջակցեն ոստիկանության, ժանդարմերիայի և երկրի ներսում գտնվող այլ ծառայություններին։  Կարևոր կետերից մեկը  Սեն գետի նավահանգստի անվտանգությունն է,  որտեղ խաղերի բացման արարողությանը կմասնակցեն  ազգային թիմերի նավակները։ 

33 –րդ ամառային օլիմպիական խաղերի մեկնարկին մնացել է 190 օր: