Սան Ռեմո երաժշտական փառատոնի օրերին  տեղի է ունեցել << Միլանո-Կորտինա – 2026 >>  օլիմպիական և պարալիմպիկ  ձմեռային խաղերի պաշտոնական թալիսմանների շնորհանդեսը :  

Քվեարկությանը ներկայացրած  1600 առաջարկներից ընտրվել են Թինա և Միլոն  տարբեր գույների  երկու եղբայրները: Նրանք շատ նման են միմյանց, սակայն յուրաքանչյուրն ունի իր անհատականությունը:

Թինան՝ օլիմպիական թալիսմանը, ստեղծագործ և պրագմատիկ մարդ է։ Նա ապրում է քաղաքում, սիրում է շոուներ ու համերգներ, հիացած է գեղեցկության ուժով և  փոխակերպվելու ունակությամբ: Այն  մարմնավորում է << Երազիր մեծ բաների մասին >> կարգախոսը:

Միլոն՝ պարալիմպիկի  թալիսմանը, երազող է, սիրում է կատակներ անել, ձյան մեջ խաղալ և երաժշտական գործիքներ հորինել։ Ոչինչ չի կարող կանգնեցնել նրա տոկունությունը: Չնայած նրան, որ ծնվել է ընդամենը երեք ոտքով, բայց  նա սովորել է քայլել՝ օգտագործելով իր պոչը՝ << Խոչընդոտները բատուտներ են >>  կարգախոսով։

Երկու թալիսմաններն էլ լավատեսական և դրական ուղերձ են հաղորդում իրենց արտաքինով, զգացողությամբ ու վարքով:

Թինան և Միլոն միայնակ չեն լինի   ոգևորություն ստեղծելու իրենց առաքելության մեջ:  Խմբին  ավելացել են  << The Flo >>-ը՝ վեց փոքրիկ ձյան փաթիլներ, որոնք ոգեշնչված են Istituto Comprensivo Sabin-ի ուսանողների էսքիզով: Նրանք եղբայրներին  ճամփորդության ընթացքում կուղեկցեն դեպի զվարճանքն ու ոգևորությունը, որը խորհրդանշում է օլիմպիական խաղերի ժամանումը: