Երևանի ձիարշավարանում անցկացվեց Հովիկ Հայրապետյանի հիշատակը հավերժացնող համապետական ավանդական մրցաշարը:

Փոխանցիկ գավաթի համար պայքարին մասնակցեցին  << Միրաժ >>, << Սիլ >>, << Մուլտի գրուպ >>  և Հովիկ Հայրապետյանի անվան ձիասպորտի կենտրոնի ակումբները:  

Նժույգավարները B  դասում  պետք է 490 մ.  տարածության 125 սմ. բարձրությամբ 11 արգելքները անցնեին   85 վայրկյանում:  

Հավելենք, որ  արգելքների  բարձրությունը  C դասում 100 սմ. էր և D –ում ՝ 90 սմ: Արժե նաև նշել, որ կրկներթում տարածության երկարությունը 280 մետր է, իսկ սահմանված ժամանակը ՝ 48 վրկ.:

Հաղթողներ դարձան`  D  դասում  Արսեն Պողոսյանը / << Միրաժ >> /, C –ում ՝  Տաիսիա Լիխոշերստը / Հ. Հայրապետյանի անվան ձիասպորտի կենտրոն / և  B –ում ՝    Ալբերտ Սուքիասյանը  / << Սիլ >> /, որը նվաճեց նաև փոխանցիկ գավաթը:

Մարզաձևի հանրապետական ֆեդերացիայի  գլխավոր քարտուղար, մոտ անցյալի մեր լավագույն նժույգավար Նորայր Ստեփանյանը ասաց, որ միջոցառումը մրցաշրջանի առաջին ստուգատեսն էր: Գնահատելով այդ հանգամանքը, պետք է ասել, որ հեծյալները արդարացրին սպասելիքները: Ի դեպ, ապրիլի երրորդ տասնօրյակում նախատեսված է անցկացնել արգելքների հաղթահարման ՀՀ առաջնությունը: