Փհուկետում ավարտվեց ծանրամարտի աշխարհի գավաթի վարկանիշային վերջին՝  վեցերորդ փուլի խաղարկությունը:

Հայաստանի հավաքականի անդամ, գերծանրքաշային Վարազդատ Լալայանը երկամարտի 463 կգ (210+253) արդյունքով նվաճեց հաղթողի կոչումը:

Լաշա Տալախաձեն (Վրաստան) և Գոռ Մինասյանը (Բահրեյն)   պարզապես ներկայացան հանդիսականին, բայց ելույթ չունեցան: Բանն այն է, որ նախորդ փուլերում ունեցած հաջողությունների շնորհիվ  արդեն ստացել  էին օլիմպիական ուղեգիր:

Մեր մյուս գերծանրքաշային Սիմոն Մարտիրոսյանը երկամարտի 440 կգ (195+245) արդյունքով գրավեց չորրորդ տեղը։

Այսպիսով,  Փարիզի օլիմպիական ամառային 33- րդ խաղերի ծանրամարտի մրցաշարում,  մեր երկիրը կունենա երեք մասնակից. էջմիածինցի Անդրանիկ Կարապետյանը / 89 կգ /, գյումրեցիներ Գարիկ Կարապետյանը / 102 կգ / և գերծանրքաշային Վարազդատ Լալայանը: