Մայիսի 9-12-ը Թուրքիայի Ստամբուլ քաղաքում տեղի կունենա Փարիզի օլիմպիական խաղերի  ըմբշամարտի համաշխարհային վարկանիշային վերջին՝ թվով վեցերորդ  մրցաշարը:  Կխաղարկվի 54 օլիմպիական արտոնագիր և ստուգատեսի ավարտից հետո  հայտնի կդառնան  << Փարիզ - 2024  >> -ի բոլոր 288 մասնակիցները:  

Թուրքիայի մրցաշարին հայտավորված 93 երկրների 517 ըմբիշների թվում  քիչ չեն հեղինակությունները, ասել է թե՝  ուղեգրերի համար պայքարն աներևակայելի բարդ ու դժվարին  է լինելու։

Ստամբուլում, յուրաքանչյուր քաշային կարգում,  խաղարկվելու է երեք ուղեգիր։ Նրանց տերերը կլինեն եզրափակիչ  մտած երկու ըմբիշները և կիսաեզրափակիչի հաղթողը: 

Համաշխարհային  օլիմպիական ընտրական մրցաշարի վիճակահանությունը նշանակված է այսօր՝  մայիսի 8-ին:

Մայիսի 9-10-ը կմրցեն  հունահռոմեականները, 10-11-ին՝ կանայք և  11-12-ը՝ ազատ ոճայինները:

Ներկայացնում ենք հունահռոմեական ոճի ըմբշամարտի Հայաստանի հավաքականի կազմը.   60 կգ՝  Գևորգ Ղարիբյան,

87 կգ՝  Գևորգ Թադևոսյան, 130 կգ ՝ Դավիթ Օվասապյան:

Ազատ  ոճ. 74 կգ՝  Հրայր Ալիխանյան, 86 կգ՝  Մուշեղ Մկրտչյան, 97 կգ՝  Սերգեյ Սարգսյան և 125 կգ՝  Լյովա Գևորգյան:

Այսօրվա դրությամբ  Հայաստանի ըմբիշներից Փարիզի ուղեգիր ունեն  ազատ ոճայիններ, 57 կգ քաշային Արսեն Հարությունյանը, 65 կգ՝ Վազգեն Թևանյանը և  հունահռոմեականներ, 67 կգ քաշային Սլավիկ Գալստյանը, 77 կգ՝ Մալխաս Ամոյանը և  97 կգ՝ Արթուր Ալեքսանյանը: