Օլիմպիական խաղերում   մարզասերներն ընդհանրապես  առանձնահատուկ հետաքրքրությամբ են  հետևում բռնցքամարտիկների ելույթներին։ Իհարկե, հետաքրքիր  է , թե որտեղ են տեղի ունենալու  կաշվե ձեռնոցի վարպետների փարիզյան ելույթները։

Ներկայացնենք այն ասպարեզը, որտեղ բռնցքամարտիկները հանդես կգան առաջիկա   օլիմպիական խաղերում։

Paris Nord Villepinte-ը խոշոր ցուցահանդեսային կենտրոն է, որը գտնվում է Փարիզի հյուսիսային մասում: Համալիրի ընդհանուր մակերեսը կազմում է  246 000 քմ։ Կենտրոնը, որը շահագործման է հանձնվել 1982թ. արդեն հյուրընկալել է տարբեր ոլորտների  ավելի քան 400  միջոցառում:

Համալիրը գտնվում է օլիմպիական գյուղից 25 կմ հեռավորության վրա։ Այստեղ կանցկացվեն բռնցքամարտի որակավորման  և  ժամանակակից հնգամարտի սուսերամարտ մարզաձևի մրցումները: Ասպարեզը տեղավորում է  ավելի քան 6000 երկրպագու։

Մարզասերները բռնցքամարտի մրցաշարում ականատես կլինեն նաև գյումրեցի գերծանրքաշային  Դավիթ Չալոյանի մենամարտերին:

Փարիզի ամառային օլիմպիական մարզահանդեսի մեկնարկին մնում է 50 օր: