Փարիզ - 2024 –ի  օլիմպիական խաղերում, սպորտային մարմնամարզության  տղամարդկանց մրցաշարին  կմասնակցի  96 մարզիկ։ Նրանցից ընդամենը   չորսն է   մասնակցել    նախորդ երեք խաղերին:

Այդ պատվավոր ցանկում ընդգրկված  է  մարզաձևի հայկական դպրոցի մերօրյա առաջատար, 31 –ամյա  Արթուր Դավթյանը:

Քառյակի կազմում են նաև Անդրեաս Տոբան (33 տարեկան, Գերմանիա), Մաքս Ուիթլոկը (31 տարեկան, Մեծ Բրիտանիա) և Իգոր Ռադիվիլովը (31 տարեկան, Ուկրաինա):

Նշած  վարպետները  հանդես կգան   նաև փարիզյան ստուգատեսում:  

Հիշենք Արթուրի օլիմպիական ցուցանիշները.  2012թ. Լոնդոն՝ 36-րդ տեղ, բազմամարտում, 2016թ. Ռիո՝ 11-րդ տեղ, հենացատկում և 2020թ. Տոկիո՝ 3-րդ տեղ,  հենացատկում։

Երևանցու ցույց տված արդյունքների հաջորդականությունը վկայում է առաջընթացի մասին: Սա  հույս է ներշնչում, որ Արթուր Դավթյանը մարմնամարզության համաշխարհային երկնակամարում շարունակում է  փայլել և այդ մասին նա կհաստատի նաև Փարիզի մարզահանդեսում: