Փարիզում  2024թ.կայանալիք ամառային  խաղերի մասնակիցները օլիմպիական ավանում, առանց սահմանափակումների, կարող են կրել հիջաբ և այլ կրոնական խորհրդանիշեր: Դրանց օգտագործումը մրցումներում  կկարգավորեն  միջազգային ֆեդերացիաները:  Այս մասին հայտարարել է միջազգային օլիմպիական կոմիտեի (ՄՕԿ) մարզիկների հանձնաժողովի անդամ Աստրիդ Յակոբսենը։ 

Սեպտեմբերի սկզբին Ֆրանսիայի սպորտի նախարար Ամելի Օդեա-Կաստերան հայտարարել էր, որ երկրի օլիմպիական հավաքականի ֆրանսուհի մարզուհիներին կարգելվի խաղերում հիջաբ կրել:

Տանտեր ֆրանսիացի մարզիկները պետք է ենթարկվեն տեղական օրենքներին, ուստի ՄՕԿ-ը սերտորեն կաշխատի տեղական իշխանությունների և ազգային օլիմպիական կոմիտեի հետ՝ պարզաբանելու իրավիճակը: