Ըմբշամարտում լինում են գոտեմարտեր,  որոնք անկախ ելքից զարդարում են  տվյալ մրցաշարը: Դրամատիկ պահերով լեցուն էր Մալխաս Ամոյան / Հայաստան / - Արամ Վարդանյան / Ուզբեկստան /՝ Փարիզի օլիմպիական խաղերում խաղարկված բրոնզե մեդալի համար մղված պայքարը:

Ըմբիշներն աչքի ընկան տեխնիկատակտիկական բարձր հատկանիշներով և  գոտեմարտը վարելու ուժերի անմնացորդ նվիրվածությամբ ու բարձր  կարգապահությամբ: Հեշտ չէ պարտվել հինգ միավորի տարբերությամբ ու վերջնարդյունքում տարբերությունը հասցնել ընդամենը մեկի: Նման հաշվով հաղթեց և օլիմպիական խաղերի բրոնզե մեդալակիր դարձավ երևանցի  77 կգ քաշային Մալխաս Ամոյանը:

Այդ առթիվ շնորհավորում ենք մեր անվանի ըմբիշին, մարզաձևի բոլոր մասնագետներին, ՀՀ ֆեդերացիային,մարզական կառույցների աշխատակազմերին , մարզասերներին և  նորանոր հաջողություններ ակնկալում  օլիմպիական խաղերի Հայաստանի նորընծա բրոնզե մեդալակրից: