Հայաստանի ֆուտբոլի փոխչեմպիոն Երեւանի «Նոան» Կոնֆերենցիաների լիգայի որակավորման վերջին փուլի պատասխան խաղում հյուրընկալվեց  Սլովակիայի «Ռուժոմբերոկին» և պարտվեց 1 : 3 հաշվով։ Դա հաղթական պարտություն էր, քանզի թիմերի երևանյան մրցամարտում տանտերերը առավելության էին հասել  3 : 0 հաշվով և երկու հանդիպումների արդյունքում ՀՀ թիմը հաղթեց 4 : 3 հաշվով:

Այդ հաջողության շնորհիվ նոր էջ  գրվեց անկախ Հայաստանի ակումբային ֆուտբոլի պատմությունում:

«Նոան» մեզանում առաջին թիմն է, որը եվրագավաթների որակավորման չորս  փուլերում տարել է  հինգ   հաղթանակ և արժանիորեն դարձել է Կոնֆերենցիաների լիգայի հիմնական  փուլի մասնակից: Այդ առթիվ շնորհավորում ենք ակումբի աշխատակազմին, թիմի մարզչական խորհրդին, ֆուտբոլիստներին և նրանցից հաջողություն ակնկալում առաջիկայում կայանալիք առավել պատասխանատու մրցամարտերում:

Ֆուտբոլի Հայաստանի չեմպիոն Երեւանի «Փյունիկը» Կոնֆերենցիաների լիգայի որակավորման վերջին փուլի պատասխան խաղում, Սլովենիայում պարտվեց / 1 : 4 / տեղի  «Ցելիեին» և դուրս մնաց հետագա պայքարից։