«ԵՐԿՐՈՐԴ ԲԱԽՈՒՄԸ»
Այսօր, երեկոյան ժամը 19.00 –ին, Երևանի Վազգեն Սարգսյանի անվան հանրապետական մարզադաշտում տեղի կունենա Հայաստանի ֆուտբոլի գավաթի խաղարկության եզրափակիչ մրցամարտը: Պատվավոր ավարի համար խաղադաշտ կելնեն Երևանի «Նոա» և «Արարատ-Արմենիա» թիմերը:
Նշած մրցակիցների համար սա գավաթի խաղարկության երկրորդ եզրափակիչ մրցամարտն է: Առաջին քննությունը տեղի է ունեցել 2020թ. հուլիսի 10 –ին ՝ Ավանի ակադեմիայի ասպարեզում: Դա երկրի գավաթի խաղարկությունում տեղի ունեցած վճռական փուլերից ամենագոլառատն էր: Հիմնական ժամանակն ավարտվեց 4 : 4 հաշվով: Լրացուցիչում մրցակիցները մեկական գոլ փոխանակեցին ՝ 5 : 5: Կանոնակարգով նշանակվեցին հետխաղյա 11 մետրանոցներ: Բախտը ժպտաց « Նոային », որը նվազագույն ՝ 7 : 6 հաշվով առավելության հասավ և առաջին անգամ դարձավ գավաթակիր:
«Արարատ Արմենիայի » համար այսօրվա եզրափակիչը թվով երրորդն է: Նախորդ մրցաշրջանում «Ուրարտուի » հետ կայացած վճռական խաղի հիմնական ժամանակում գրանցվեց մարտական ոչ –ոքի ՝ 1 : 1: Նշանակվեցին 11 մետրանոցներ, որը հաղթանակ բերեց «Արարատ Արմենիային » ՝ 5 : 3:
Ինչպես այսօր կավարտվի թիմերի գավաթային երկրորդ «բախումը » . . .
Զինվենք համբերությամբ և հետևենք կայանալիք պայքարի ընթացքին:
