Շարունակվում են  Հայաստանի տղամարդկանց բասկետբոլի բարձրագույն խմբի  առաջնության հանդիպումները:

ԲԿՄԱ -ն հերթական փուլում  72:70 հաշվով առավելության հասավ «Ֆոքսիսի» նկատմամբ և տոնեց իր յոթերորդ հաղթանակը:

Գրանցված հաշիվը վկայում է, որ մրցակիցները լարված պայքար են մղել հաղթելու համար: Բայց մարզական բախտը ժպտացել  է բանակայիններին:

Մրցամարտում դիպուկությամբ աչքի ընկավ ԲԿՄԱ –ի խաղացող  Կարեն Մելիքյանը, որը վաստակեց 21 միավոր, 12 անգամ տիրեց օղակից անդրադարձած գնդակին և կատարեց  երեք  արդյունավետ փոխանցում: