Առաջիկա դեկտեմբերի 19-ին Հռոմում պաշտոնապես  կվառվի << Բակուրիանի – 2025 >>   եվրոպական պատանեկան ձմեռային օլիմպիական փառատոնի (EYOF) խաղաղության կրակը:

Ավանդույթի համաձայն,   խաղաղության կրակը խորհրդանշում է օլիմպիական շարժման հիմնական արժեքները՝  հարգանքը,  բարեկամությունը և  սպորտի միավորման ուժը:

Հռոմում  նախատեսված  արարողությունից հետո կրակը կտեղափոխվի Վրաստան՝  EYOF-ի ընդունող երկիր: Այնուհետև այն կօգտագործվի  Բակուրիանիում  / փետրվարի 9-ին / `  բացման արարողության  համար:

ԵՕԿ նախագահ Սպիրոս Կապրալոսն այդ աթիվ  ասել է. << Մենք շատ ոգևորված ենք, որ ընդամենը մեկ շաբաթից  ներկա կլինենք Հռոմում ` << Բակուրիանի - 2025 >>  խաղաղության կրակի վառման հուզիչ արարողությանը >> :

Եվրոպայի օլիմպիական  պատանեկան ձմեռային  17 –րդ  փառատոնը  (EYOF) տեղի կունենա 2025թ. փետրվարի 9 -16 –ը՝  Վրաստանի Բակուրիանի  քաղաքում, որին կմասնակցեն 48 երկրների ավելի քան  2000 մարզիկ - մարզուհիներ:

Վրաստանը  երկրորդ անգամ է պատրաստվում ընդունել նման միջոցառում: Առաջին անգամ այնտեղ 2015թ. անցկացվել է ամառային փառատոնը:

Ընդհանուր առմամբ EYOF-ները համախմբում են 14-18 տարեկան եվրոպացի լավագույն մարզիկներին: Նրանցից շատերը հետագայում դառնում են  անվանի  չեմպիոններ: