Բուդապեշտում անցկացվեց կարճ ջրի / 25 մետրանոց լողավազան / լողի աշխարհի հերթական առաջնությունը:

Հայաստանից հանդես եկավ երկու մարզիկ.  Վարսենիկ Մանուչարյանը և Աշոտ Չախոյանը: Նրանց մրցավայր էր ուղեկցել հավաքականի ավագ մարզիչ Արման Վահանյանը:

Վարսենիկը մրցեց  100մ. բատերֆլայ և  50մ ազատ ոճում, իսկ նրա թիմակից  Աշոտը Չախոյանը ՝ 50մ  և 100մ բրաս լողաոճում։

Մեր մարզուհին ցույց տվեց համապատասխանաբար 1, 00.51 և 26, 26, ժամանակ և երկու դեպքում էլ գրանցեց համապետական նոր ռեկորդ: Աշոտը  100  մետրն անցավ  1, 02. 57:  Նույն ոճի 50 մետրում  նա դարձյալ վատ չլողաց / 28, 29 վրկ/, բայց չնչին սխալի պատճառով որակազրկվեց:

Լավագույն ցուցանիշը Վարսենիկի զբաղեցրած 30 –րդ տեղն է 100 մետրում ՝ 60 մրցակցուհիների պայքարում: