Ձյուդոյի միջազգային ֆեդերացիան  / IJF /  ներկայացրել է  մրցավարական կանոնների նոր տարբերակը՝ հիմք ընդունելով օլիմպիական  քառամյա փուլը: Մարզաձևը առաջ է ընթանում դեպի << Լոս Անջելես - 2028 >>  խաղերը:

Փոփոխությունների ընդունման հետ կապված,  IJF-ն  ընդարձակ խորհրդակցություն է անցկացրել շահագրգիռ բոլոր կազմակերպությունների հետ:   

Մինչ ֆեդերացիայի  գործկոմի հաստատումը, բոլոր ազգային ֆեդերացիաները ներկայացրել են իրենց  առաջարկները: Դրանք  մանրակրկիտ գնահատել  ու քննարկել են մի խումբ փորձագետներ: Կազմակերպությունը հաշվի է առել  նաև մարզական ԶԼՄ-ների կարծիքը:  

Ձյուդոն դինամիկ  մարզաձև է և, հետևաբար, ենթարկվում է փոփոխությունների՝ համաձայն մարզումների նոր մեթոդների, քանզի  կանոնները պետք է  հարմարեցվեն  նորամուծություններին:

<< Փարիզ 2024 >>  - ի  ձյուդոյի մրցաշարը ցույց տվեց հիանալի մրցակցային դիմակայություն: Բայց երկրպագուների մեծամասնությունը վրդովված էր  հաղթական սակավաթիվ գցումներից / իպոն /, և այլն:

IJF-ի որոշ փոփոխություններ քայլ են դեպի << հին ձյուդո >>>, այսինքն վերականգնվել են նախկինում եղած կանոնակարգի որոշ կետեր, որոնք  ավելի դինամիկ կդարձնեն մարզաձևը:

Նոր կանոններն առաջին անգամ միջազգային մակարդակով կիրականացվեն Փարիզում 2025թ. կայանալիք  << Մեծ Սաղավարտի >>  ժամանակ:

Մշակված նոր տարբերակը կգործի մեծահասակների աշխարհի առաջնությունում, որը կկայանա Բուդապեշտում՝  2025թ. հունիսի13-20 –ը: