Բռնցքամարտի կանանց այս տարվա  աշխարհի առաջնությունը կանցկացվի Սերբիայի Նիշ քաղաքում`  մարտի 8-17-ը: Այս մասին հայտնում է մարզաձևի  միջազգային ասոցիացիան (IBA):

Սպասվում է, որ առաջնությանը կմասնակցեն 100 երկրների ավելի քան 500 մարզուհիներ, որոնք  կմրցեն 12 քաշային կարգերում:

IBA-ն  բարձր է գնահատել Սերբիայի փորձը համաշխարհային  բռնցքամարտի միջոցառումների հյուրընկալման հարցում: Ընդգծվում է այդ երկրում  անցկացված նախորդ միջոցառումների հաջողությունները:

Սերբիայի բռնցքամարտի ֆեդերացիան առավել կարևորում  է 2021թ.   տղամարդկանց  աշխարհի առաջնության անցկացման  հաջողությունը և նպատակ ունի նոր նշագիծ  սահմանել  կանանց հերթական ստուգատեսում: