ՇՎԵՅՑԱՐԱԿԱՆ ՄՐՑԱԿԱՐԳՈՎ
Ուզբեկստանի Սամարղանդ քաղաքում մեկնարկեց ՖԻԴԵ-ի «Գրանդ Սվիս 2025» կանանց և տղամարդկանց մրցաշարը:
Լավագույն երկուական խաղացողները կմասնակցեն 2026թ. հավակնորդների մրցումներին: Խաղասեղանների առջև նստել են 172 շախմատիստներ / 116 տղամարդ և 56 կին /: Մրցակարգը շվեյցարական է և բաղկացած է 11 փուլից:
Մրցանակային հիմնադրամը կազմում է 855,000 դոլար / 625,000 –ը՝ տղամարդկանց , 230,000 –ը՝ կանանց /:
Երկու տարին մեկ անցկացվող «Գրանդ Սվիսը » միավորում է աշխարհի ամենաուժեղ շախմատիստներին և համարվում է ամենահեղինակավոր մրցաշարերից մեկը։
Առաջին ստուգատեսը անցկացվել է 2019թ. Մեն կղզում:
Հայաստանի տղամարդկանցից մասնակցում են Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը, Արամ Հակոբյանը, իսկ կանանցից՝ Էլինա Դանիելյանը և Լիլիթ Մկրտչյանը:
