ՕԼԻՄՊԻԱԿԱՆ ԴԱՌՆԱԼՈՒ ՑԱՆԿՈՒԹՅԱՄԲ

11:27 - 16 Մայ, 2025

Հայաստանի գեղասահքի ֆեդերացիայից տեղեկացանք, որ մեր երկրի ներկայացուցիչները կմասնակցեն սեպտեմբերին Պեկինում նշանակված օլիմպիական վարկանիշային մրցաշարին:

Նշենք մենասահորդ Սեմյոն Դանիլյանցին, Վիկտորիա Ազրոյան – Արթուր Գրուզդև` պարային ու Կարինա Ակոպովա - Նիկիտա Ռախմանին  սպորտային զույգերին:

Վերջին երկյակը նոր է  անդամագրվել մեր հավաքականին: 21 –ամյա Կարինան և 24 –ամյա Նիկիտան  մարզաձևի ռուսական դպրոցի սաներ են ու բազում մրցաշարերում են հանդես եկել: Ավելին, հաղթող են դարձել  Budapest Trophy, Denis Ten Memorial Challenge  ավանդական մրցումներում, իսկ Challenge Cup-ում ճանաչվել են երկրորդը:

Նշած անունները  որոշակի հույս են ներշնչում, որ նրանք հաջողության կհասնեն նախաօլիմպիական ստուգատեսում և ցանկալի ուղեգրեր կստանան  եկող մրցաշրջանում կայանալիք Milano Cortina -  2026՝  ձմեռային 25 –րդ  օլիմպիական խաղերին մասնակցելու համար:

 

Այլ նորություններ