Միջազգային օլիմպիական կոմիտեի բարձրաստիճան պաշտոնյաները այցելել են 2032 թ. ամառային օլիմպիական խաղերի մայրաքաղաք Բրիսբեն / Ավստրալիա /: Պատվիրակության կազմում են եղել ՄՕԿ-ի նախագահ Թոմաս Բախը և նրա իրավահաջորդը՝ Քիրստի Քովենթրին: Դա համակարգող հանձնաժողվի առաջին այցն էր, ինչը նշանակում է, որ նախապատրաստական աշխատանքները մտնում են կարևորագույն փուլ։
Եռօրյա այցը հնարավորություն է տվել անցկացնել քննարկումներ և մրցավայրերի ստուգումներ: Դրանք ներառել են այնպիսի թեմաներ, ինչպիսիք են կառավարումը, գործունեությունը, մրցումների անցկացման վայրերը, ֆինանսները, առևտրային պլանավորումը . . .
Հանձնաժողովի անդամները եղել են «Վիկտորիա » այգում, որտեղ կառուցվելու է խիստ անհրաժեշտ նոր մարզադաշտ՝ քաղաքի թիմերի և օլիմպիական խաղերի համար։
Ավստրալիայի մի շարք անվանի մարզիկների հետ Բախը այցելել է նաև Բրիսբենի պետական ավագ դպրոց, որն ունի 40 օլիմպիական շրջանավարտ։ Նրանք աշակերտների հետ կիսվել են իրենց մարզական պատմություններով։
Հանձնաժողովի անդամներին ներկայացվել է «Բրիսբեն - 2032» -ի կազմակերպական քայլերի ուրվագիծը, որը պետք է համապատասխանեցվի միջազգային ֆեդերացիաների, ՄՕԿ-ի և պարալիմպիկ կոմիտեի տեխնիկական գնահատականներին՝ մրցավայրերի օգտագործումը որոշելու համար։
«Օլիմպիական օրակարգ - 2020»-ի բարեփոխումների շնորհիվ կազմկոմիտեն նաև առաջարկների հնարավորություն կունենա:
ՄՕԿ-ի նորընտիր նախագահը նշել է, որ «Բրիսբեն - 2032» նախագիծը թափ է հավաքում, և խրախուսելի է, որ մարզիկները մշտապես գտնվում են ուշադրության կենտրոնում: Գնահատվում է նաև քաղաքական ուժի աջակցությունը, և դա ակնհայտ է եղել այն ժամանակվանից, երբ ես 2000 թվականին Սիդնեյում էի որպես մարզիկ՝ իմ օլիմպիական ճանապարհի սկզբում, - ասել է Քովենտրին:
Այցը կարևոր հնարավորություն է ընձեռել իրական ժամանակում թարմացումներ տրամադրելու «Բրիսբեն - 2032» թիմի գործընկերներին ՝ պլանավորման և զարգացումների վերաբերյալ: