Ինչպես արդեն հայտնի է, միջազգային օլիմպիական օրը՝ հունիսի 23 –ին, Լոզանի օլիմպիական տանը  տեղի ունեցավ ՄՕԿ-ի նախագահի լիազորությունների հանձնման արարողությունը:

Մինչ միջոցառման սկսվելը,  կառույցի  այժմ արդեն նախկին նախագահ Թոմաս Բախը և նրան փոխարինած Քիրսթի Քովենթրին,  ավանդույթի համաձայն, այցելեցին ՄՕԿ –ի հիմնադիր  Պիեռ դը Կուբերտենի գերեզման: Նրանք ծաղկեպսակ դնելով՝  հարգեցին մեծագույն գործչի հիշատակը:

Հիշենք, որ Ֆրանսիացի բարոն Պիեռ դե Կուբերտենի նախաձեռնությամբ, Սորբոնի համալսարանում,  1894 թ. տեղի ունեցած կոնգրեսում է հիմնադրվել միջազգային օլիմպիական կոմիտեն / ՄՕԿ / : Նախագահ է ընտրվել Կուբերտենի մտերիմ ընկեր, հույն Դեմետրիուս Վիկելասը: Նա կազմակերպությունը ղեկավարել է  երկու տարի  / 1894—1896 թթ. /: Հաջորդել են  բարոն Պիեռ դե Կուբերտենը /   Ֆրանսիա, 1896–1916 և 1919–1925 , և  ՄՕԿ-ի պատվավոր նախագահ՝ 1925-1937 /,   Կոմս Անրի դը Բայե-Լատուրը / Բելգիա,  1925—1942 /,  Զիգֆրիդ Էդստրյոմը /Շվեդիա  1942-1952), Էյվերի Բրենդեջը  / ԱՄՆ 1952—1972 /,  Լորդ Մայքլ Մորիս Քիլանին / Մեծ Բիտանիա, 1972 – 1980 /,  Մարկիզ Խուան Անտոնիո Սամարանչը / Իսպանիա, 1980—2001  /,  Կոմս Ժակ Ռոգեն / Բելգիա,  2001—2013 /, Թոմաս Բախը /  Գերմանիա 2013 - 2025 / ու հիմա էլ ՝ Քիրսթի Քովենթրին / Զիմբաբվե , 2025թ. /: