ԱՅՍՕՐ ԵՐԵԿՈՅԱՆ
Այսօր ՝ հուլիսի 10-ին, ֆուտբոլի Կոնֆերենցիաների լիգայի խաղարկության որակավորման փուլի ծրագրով, պայքարի կելնեն հայկական երկու ակումբներ ՝ «Ուրարտուն» և «Փյունիկը»:
Երևանի «Ուրարտու» մարզադաշտում մեր համանուն թիմը կհյուրընկալի Բելառուսի «Նեմանին»: Խաղի սկիզբը ՝ ժամը 20:30-ին։
Նույն լիգայի ծրագրով Սան Մարինոյի Սերավալե քաղաքի «Ստադիո Օլիմպիկո» մարզադաշտում, Երևանի ժամանակով 23:00-ին կսկսվի տեղի «Տրե Ֆյորիի» և Երևանի «Փյունիկի» մրցամարտը:
Ի դեպ, Կոնֆերենցիաների լիգայի որակավորման խաղերի Բալկանյան թերակղզում կայանալիք երեք հանդիպումների համար մրցավարներ են նշանակվել հայաստանցիները. Վլազնիա (Ալբանիա) - Դաուգավպիլս (Լատվիա)՝ գլխավոր մրցավար է նշանակվել Աշոտ Գալտախչյանը, Դեչիչ (Չեռնոգորիա) - Սիլեքս (Հյուսիսային Մակեդոնիա) մրցամարտինը ՝ Զավեն Հովհաննիսյանը, իսկ Ժելեզնիչար (Բոսնիա և Հերցեգովինա) - Կոպեր (Սլովենիա) խաղը կսպասարկի Արտյոմ Գասպարյանը։
