<< Բրիսբեն -  2032 >>  ամառային օլիմպիական խաղերի պատվին կտնկվի 2032 ծառ: Այդ մասշտաբային էկոլոգիական ակցիան սկսվել է հուլիսի 23 –ին ՝ խաղերի պաշտոնական բացման արարողությունից ուղիղ յոթ տարի առաջ:

Միջոցառումը նպատակ ունի տարածաշրջանն ավելի կանաչ ու առողջ դարձնել:

Առաջին ծառերը Կավանա լճի մոտ, << Արևային >> ափին տնկել են քաղաքապետ Ռոզաննա Նատոլին և մի խումբ տեղացի մարզիկներ, նրանց թվում՝ 2024թ. BMX-ի բրոնզե մեդալակիր Նատալյա Դիեմը:

Ավստրալիայում  խաղերին նվիրված բազմաթիվ  միջոցառումներ են անցկացվում: Տոնակատարությունները միավորել են տեղի բնակիչներին, կազմկոմիտեի ղեկավարներին, օլիմպիական և պարալիմպիկ մարզիկներին:

RNA Showgrounds ցուցահանդեսային կենտրոնում երեխաների համար  կազմակերպվել են տարբեր մարզաձևերի մրցումներ, որտեղ հայտնի  մարզիկները կիսվել են իրենց  փորձով: