Պեկինում անցկացվեց գեղասահքի միջազգային օլիմպիական վարկանիշային մրցաշար: Հայաստանի դրոշի ներքո հանդես եկած Կարինա Ակոպովա -  Նիկիտա Ռախմանին սպորտային զույգը  186,84 միավորով  գրավեց երկրորդ  տեղը և արժանացավ Միլանում  2026թ. կայանալիք ձմեռային օլիմպիական խաղերի ուղեգրի:

21 –ամյա Կարինան և 24 –ամյա Նիկիտան  մարզաձևի ռուսական դպրոցի սաներ են ու բազում մրցաշարերում են հանդես եկել: Ավելին, հաղթող են դարձել  Budapest Trophy 2021, Denis Ten Memorial Challenge 2021 ավանդական մրցումներում, իսկ Challenge Cup-ում  դարձյալ ճանաչվել են երկրորդը: