Հայաստանի ֆուտբոլի չեմպիոն և գավաթակիր «Նոան» ՈՒԵՖԱ Կոնֆերենցիաների լիգայի երրորդ տուրի ծրագրով, երեկ,  Երևանի Վազգեն Սարգսյանի անվան «Հանրապետական» ստադիոնում, հյուրընկալեց Չեխիայի գործող գավաթակիր «Սիգմա Օլոմոուցին»։

Խաղի հաշիվը 10-րդ րոպեին  բացեց  չեխ պաշտպան Ֆիլիպ Սլավիչեկը։ 21-րդ րոպեին դաշտի տերերից հաշիվը հավասարեցրեց բոսնիացի հարձակվող Նարդին Մուլահուսեյնովիչը:

24-րդ րոպեին չեխերի գվինեացի կիսապաշտպան Աբդուլայե Սիլան կրկնապատկեց իր  ակումբի առավելությունը։

Խորվաթ Սանդրո Պերկովիչի գլխավորած մեր թիմը խաղարկությունում  կրեց առաջին  պարտությունը՝  1:2  և այժմ չորս միավորով ընթանում է  15-րդ տեղում:

Չորրորդ տուրում, նոյեմբերի 27 –ին,  «Նոան» կհյուրընկալվի Շոտլանդիայի  «Աբերդինին»։ Հանդիպման սկիզբը ՝  Երևանի ժամանակով 00:00-ին։