ՆՈՐ ՄՈՏԵՑՈՒՄ
Շաբաթներ են մնացել << Միլանո Կորտինա – 2026 >> ձմեռային օլիմպիական խաղերի մեկնարկին:
Ստուգատեսի հակադոպինգային հսկողությունը կսկսվի օդանավակայաններում: Նախատեսվում է մարզիկների ուղեբեռի ստուգումներ անցկացնել Իտալիա ժամանելուն պես, մի միջոցառում, որն առաջին անգամ կկիրառվի օլիմպիական խաղերում:
Թեստավորման միջազգային գործակալությունը / ITA / հակադոպինգային ծրագրերի վերահսկողության համար պատասխանատու անկախ մարմին է, իսկ 2026-ը կդառնա մի շարք նորարարական միջոցառումների վայր:
Այսօր դոպինգի դեմ պայքարը հիմնված է այնպիսի գործիքների վրա, ինչպիսիք են մարզիկի կենսաբանական անձնագիրը, որը ժամանակի ընթացքում վերահսկում է ֆիզիոլոգիական պարամետրերը, նպատակային արտամրցութային թեստավորումը, հին նմուշների պահպանումը և վերագնահատումը նոր տեխնոլոգիաների միջոցով, ինչպես նաև հակադոպինգային գործակալությունների, մաքսային և դատական մարմինների միջև ավելի սերտ միջազգային համագործակցությունը:
Գործակալության գլխավոր տնօրեն Բենջամին Քոհենը ասել է, որ հիմնական նպատակը կանխարգելիչ հարվածն է՝ առգրավել արգելված նյութերը: Այդ նպատակով Իտալիայի մաքսային ծառայության և արդարադատության նախարարության հետ կնքվել է համաձայնագիր, որը թույլ կտա բացել ժամանող պատվիրակություններին պատկանող որոշակի պայուսակներ:
Տարեվերջին Հռոմում բացվել է նոր, ժամանակակից հակադոպինգային լաբորատորիա: Նախագիծը ներառում է մոտ 18.9 միլիոն դոլարի (16.2 միլիոն եվրո) ներդրում, ինչը զգալիորեն ամրապնդում է մրցումների ընթացքում տեղում թեստավորման հնարավորությունները:
Այսպիսով, << Միլանո Կորտինա 2026 >> -ը ձևավորվում է որպես նոր հակադոպինգային պրակտիկայի փորձարկման հարթակ: Առանց անմեղության կանխավարկածը խաթարելու կամ գործող կարգավորիչ շրջանակը փոփոխելու:
Առաջիկա խաղերը հույս ունեն ստեղծել ապագայի օլիմպիական խաղերի կազմակերպման ձևանմուշը:
