Օլիմպիական խաղերի մրցումների ընթացքին հետևելը  լեցուն է  հույզերով, խորհրդանիշներով, հիշողություններով  . . .

Լոս Անջելեսում  2028թ. կայանալիք  ամառային  օլիմպիական խաղերին կմասնակցեն աշխարհի լավագույն մարզիկ – մարզուհիները: Նրանց  տեսնելու  ցանկությունը մեծ է  մարզասերների  համար:  

Տոմսերի վաճառքից և բազմաճյուղ ծառայություններից  կազմակերպիչները  նպատակ ունեն ստանալ  2.5 միլիարդ դոլարի եկամուտ:

Նախնական վաճառքն արդեն ցույց է տվել, որ ամենաթանկ  տոմսերը  ձեռք են բերում նրանք, ովքեր մրցության գրավչությունն ու հմայքը  վայելել  են ցանկանում հենց մրցավայրում:  

Խաղերի բացման արարողությունը ամենահիշարժան պահերից մեկն է: Այդ պարագայում  մեկ տոմսի գինը կարող է գերազանցել 5000 դոլարը, իսկ  գները սկսվում են 329 դոլարից։

Լոս Անջելեսի «Մեմորիալ Կոլիզեումում» կայանալիք  տղամարդկանց 100 մետր արագավազքի եզրափակիչի տոմսը կարող է արժենալ մինչև 2,461, իսկ լողինը՝ 1,860 դոլար:

Շատ դեպքերում ամենաէժան տոմսերը անհետանում են մի քանի ժամում, ինչը ընդգծում է մեծ պահանջարկը՝ սահմանափակ առաջարկի դիմաց։

LA28-ի տվյալներով՝ տոմսերի 75%-ը կարժենա 400 դոլարից պակաս, և մոտ մեկ միլիոն տոմս հասանելի կլինի սկսած 28 դոլարից՝  հիմնականում նախնական միջոցառումների կամ պակաս հայտնի մարզաձևերի համար։