Վրաստանի Բաթումի քաղաքի «Sport Palace Arena»-ում  սկսվել է Եվրոպայի ծանրամարտի առաջնությունը:

Մեր պատվիրակներից առաջինը  մրցահարթակ ելան կանանց հավաքականի անդամներ Իզաբելլա Յայլյանն ու Տանզելա Գրիգորյանը / երկուսն էլ՝ 53 կգ /: Նրանք ընդգրկված էին А ենթախմբում :

Տանզելա Գրիգորյանը  երկամարտի 179 կգ / 78 կգ + 101 կգ /  արդյունքով  գրավեց վեցերորդ տեղը:

Իզաբելլա Յայլյանը ճանաչվեց իններորդը ՝ 175 կգ / 80 կգ + 95 կգ /:

Այսօր`  ապրիլի 20-ին, Հայաստանի հավաքականից ելույթ կունենան Գառնիկ Չոլաքյանը / 60 կգ /  և  Ալեքսանդրա Գրիգորյանը / 58 կգ /:

Նրանք ծանրահարթակ կելնեն համապատասխանաբար ժամը 12 . 00 –ին և 18. 00 –ին: