ՉՈՐՐՈՐԴ ՄԵԴԱԼԸ
Բաթումիում շարունակվում է Եվրոպայի ծանրամարտի առաջնությունը: Մրցումների հերթական օրը մեր մարզիկներից պայքարի ելավ Մարտին Պողոսյանը / 79 կգ/: Երկամարտի 338 կգ /152 կգ +186 կգ / արդյունքով նա գրավեց երրորդ տեղը և պարգևատրվեց բրոնզե մեդալով:
Այնուամենայնիվ, այդ քաշային կարգում երկամարտի 341 կգ /161կգ + 180կգ / արդյունքով ուժեղագույնի պատվին արժանացավ ռուսաստանցի հայորդի Գևորգ Սերոբյանը: << Արծաթը >> բաժին հասավ տանտերերից Բրիկեն Ցելյային ՝ 340 կգ / 153 կգ + 187 կգ /:
Քառօրյա մրցումների արդյունքում ՀՀ հավաքականը առայժմ ունի չորս մեդալ ՝ երեք արծաթե և մեկ բրոնզե։
Այսօր ՝ ապրիլի 23-ին Հայաստանից մրցահարթակ կելնեն երեք ծանրորդներ. 88 կգ քաշային Ռաֆիկ Հարությունյանը և կանանցից ՝ 77 կգ քաշայիններ Աննա Ամրոյանն ու Ալինա Սուքիասյանը:
