Բուդապեշտում կայացած Եվրոպայի օլիմպիական կոմիտեի  55-րդ գլխավոր ասամբլեայում  ելույթ է ունեցել միջազգային օլիմպիական կոմիտեի նախագահ  Քիրստի Քովենթրին: Նա մասնավորապես ասել է, որ  սպորտային ինքնավարությունը դարձել է օլիմպիական շարժման ամենակարևոր խնդիրներից մեկը՝ քաղաքական լարվածությամբ, աշխարհաքաղաքական հակամարտություններով և խորը սոցիալական վերափոխումներով նշանավորվող միջազգային լանդշաֆտի պայմաններում:

Գիտակցելով այս մարտահրավերները, նա կարևորել  է սպորտի  անկախությունը,  որպեսզի  այն բաց մնա մարզաշխարհի մարդկանց համար:

Քովենթրին պնդել  է,  որ սպորտի սոցիալական արժեքը կայանում է ընդհանուր նպատակների շուրջ մարդկանց միավորելու  կարողության մեջ՝ անկախ նրանց քաղաքական, մշակութային կամ ազգային տարբերություններից: Նրա խոսքով՝ այս դերը կարող է պահպանվել միայն այն դեպքում, եթե   մարզիկներին ճանաչում  բերեն  իրենց  հետաքրքիր, դիտարժան ելույթները  և ոչ թե  մարզական  կենսագրության հետ կապ չունեցող հանգամանքները:

ՄՕԿ-ի ղեկավարը նշել է,  որ քաղաքական գործոնները կարող են վտանգել  օլիմպիական շարժման հիմնարար սկզբունքներy:

Սպորտի ինքնավարության պահպանումը ոչ միայն ինստիտուցիոնալ պատասխանատվություն է, այլև համատեղ խնդիր՝  մարզական կազմակերպությունների համար։

Օլիմպիական շարժումը զգալի առաջընթաց է գրանցել ԱՕԿ – ների, միջազգային մարզական  ֆեդերացիաների շրջանակներում: