Հայաստանի թենիսի տղամարդկանց հավաքականը շարունակում է իր վստահ  ելույթները  Ծաղկաձորում  անցկացկվող Դևիսի գավաթի խաղարկության Եվրոպական գոտու չորրորդ  խմբի մրցաշարում:  

Երրորդ տուրում ՀՀ  հավաքականը 2:1 հաշվով հաղթել է  Իսլանդիայի թիմին:

Մենախաղերում լարված ընթացք է ունեցել Դավիթ Պողոսյանի հանդիպումը  Ռաֆն Բոնիֆացիուսիի հետ: Առաջին սեթում, թայ-բրեյքում,  մեր մարզիկը պարտվել է՝ 6:7,  երկրորդում հաղթել է`  6:3,  իսկ երրորդում առաջ է եղել  4:1 հաշվով, որից հետո մրցակիցը չի շարունակել  խաղը:

Տանտերերից Միքայել Ավանեսյանը պարտվել Է Գիլ Սիգուրդսոնին՝ 3:6, 2:6:

Վճռորոշ է եղել   Սամվել Աղայան -  Դավիթ Պողոսյան և Էգիլ Սիգուրդսոն  - Վլադիմիր Ռիստիչ զույգերի մրցամարտը, որտեղ ավելի ուժեղ են գտնվել մեր ներկայացուցիչները:  

Հաջորդ հանդիպումը   կանցկացվի այսօր՝   ալբանացիների հետ:

Երեք տուրից հետո երեքական միավոր ունեն Մալթայի և Հայաստանի հավաքականները: