Հունահռոմեական ոճի հայ ըմբիշներն ավարտեցին իրենց ելույթները Ռումինիայում ընթացող ըմբշամարտի Եվրոպայի երիտասարդական առաջնությունում:

Հունիսի 22-ին մրցագորգ դուրս եկած 4 հայ ըմբիշներից միայն 55 կգ քաշային Արարատ Մանուչարյանը հնարավորություն ուներ բրոնզե մեդալ նվաճել, սակայն 1:2 հաշվով պարվեց Ռուսաստանի ներկայացուցիչ Արթուր Պետրոսյանին:

Այսպիսով՝ հունահռոմեական ոճի Հայաստանի երիտասարդական հավաքականը հայրենիք է վերադառնում 1 բրոնզե մեդալով, որը նվաճել էր 60 կգ քաշային Գևորգ Խումարյանը:

Ազատ ոճային ըմբիշները իրենց մրցելույթները կսկսեն հունիսի 25-ից:

ՀԱՕԿ լրատվության բաժին