«Ճանապարհ դեպի Ռիո». Մարմնամարզիկ Հարություն Մերդինյան

11:50 - 05 Հուլ, 2016

Հայաստանի ազգային օլիմպիական կոմիտեի պաշտոնական կայքը «Ճանապարհ դեպի Ռիո» նախագծում ներկայացնում է Օլիմպիական խաղերում Հայաստանը ներկայացնող մարզիկներին և նրանց օլիմպիական լուսանկարները, որոնք արվել են լուսանկարիչ Հակոբ Բերբերյանի կողմից՝ հատուկ «Ճանապարհ դեպի Ռիո» նախագծի համար:

Մեր նախագծի հաջորդ հերոսը մարմնամարզիկ Հարություն Մերդինյանն է (նժույգթափեր): Նա ծնվել է 1984 թվականին: Մերդինյանը Եվրոպայի առաջնություններում նվաճել է և՛ բրոնզե և՛ արծաթե մեդալ, իսկ 2016 թվականի Եվրոպայի առաջնությունում նվաճեց բաղձալի ոսկին: Հայ մարզիկը Խաղերի ուղեգիրը նվաճեց 2015-ին Գլազգոյում կայացած աշխարհի առաջնության ժամանակ, որտեղ նվաճեց անկախ Հայաստանի պատմության առաջին բրոնզե մեդալը: Մերդինյանը հայկական մարմնամարզությունում նոր էջ բացեց: Նա իր համբերատար և համառ բնավորությամբ քայլ առ քայլ հասնում է սպորտային երազանքներին: Նա օրինակ է շատերի համար: Չնայած շոշափելի նվաճումների՝ Մերդինյանը շատ համեստ և զուսպ է և իր թիմակիցների նման կատակասեր:

 

-Խաղերին ի՞նչ թալիսման ես հետդ տանելու:

-Թալիսման չեմ տանելու: Չեմ հավատում այդպիսի բաների: Աստված մեզ հետ է՝ դա էլ է բավական:

-Ու՞մ կուզեիր կողքիդ կամ հանդիսատեսի շարքում տեսնել:

-Կցանկանայի դահլիճում մայրիկիս տեսնել:

-Ո՞ւմ հետ ես առաջինը կիսելու հաջողությունդ:

-Թիմակիցներիս: Վստահ եմ, որ նրանք էլ իմ չափ ուրախանում են:

-Նկարագրիր Օլիմպիական խաղերը երեք բառով:

-Փառք, հաղթանակ, քրտնաջան աշխատանք:

-Ինչպե՞ս կուզես, որ հիշվեն այս Օլիմպիական խաղերը:

-Միանշանակ՝ հաղթանակով:

 

Մարմնամարզիկներ՝ Արթուր Դավթյան 

Ըմբիշներ՝ Լևան Բերիանիձե

Գեորգի Կետոև

Դավիթ Սաֆարյան

Գառնիկ Մնացականյան

Արթուր Ալեքսանյան

Մաքսիմ Մանուկյան 

Միհրան Հարությունյան

Արսեն Ջուլֆալակյան

 Հրաձիգ՝ Հրաչ Բաբայան

Բռնցքամարտիկներ՝  Նարեկ Աբգարյան

 Արամ Ավագյան

Վլադիմիր Մարգարյան

 Արթուր Հովհաննիսյան

Պաշտոնական գործընկեր՝ Ucom 

ՀԱՕԿ լրատվության բաժին 

Այլ նորություններ