Մեկնարկել է լեռնադահուկային սպորտի Հայաստանի բաց առաջնությունը

14:19 - 01 Մար, 2017

Փետրվարի 28-ին Ծաղկաձորում մեկնարկել է լեռնադահուկային սպորտի Հայաստանի բաց առաջնությունը: Միջազգային ֆեդերացիայի հաստատմամբ` այս մրցաշարն օլիմպիական վարկանիշային է:

Առաջնությանը մասնակցում են միայն Հայաստանի ներկայացուցիչները` ավելի քան 40 լեռնադահուկորդ բոլոր մարզերից: Այս մասին ՀԱՕԿ լրատվականի հետ զրույցում նշեց Հայաստանի դահուկային սպորտի ֆեդերացիայի գլխավոր քարտուղար Գագիկ Սարգսյանը: Նա վստահ է, որ մեր առաջատար մարզիկները բարելավելու են իրենց վարկանիշային միավորները:

Լեռնադահուկորդները կմրցեն հատուկ եւ հսկա ոլորավայրէջքներում:

Առաջնությունը կտեւի մինչեւ մարտի 3-ը:

Այլ նորություններ