Լեւոն Արոնյանը երրորդ անընդմեջ հաղթանակը տարավ GRENKE Chess Classic-ում

23:08 - 20 Ապր, 2017

Գրոսմեյստեր Լեւոն Արոնյանը, 5-րդ տուրում պարտության մատնելով Ադրբեջանի ներկայացուցիչ Արկադի Նայդիչին, մրցաշարում երրորդ անընդմեջ հաղթանակը տարավ:

Հայ շախմատիստը շարունակում է գլխավորել Գերմանիայի Կարլսրուե եւ Բադեն-Բադեն քաղաքներում ընթացող GRENKE Chess Classic միջազգային մրցաշարը:

Հինգերորդ տուրի արդյունքները. Արոնյան-Նայդիչ` 1:0, Մայեր-Կարլսեն` 0:1, Կարուանա-Վաշյե-Լագրավ, Հոու Յիֆան-Բլյուբաում` ոչ-ոքի:

Մրցաշարային աղյուսակը հինգերորդ տուրից հետո. 1. Արոնյան` 4 միավոր, 2-4. Կարուանա, Հոու Յիֆան, Կարլսեն` 3-ական, 5-6. Վաշյե-Լագրավ, Նայդիչ` 2.5-ական, 7-8. Մայեր, Բլյուբաում` 1-ական միավոր:

Վեցերորդ տուրում Արոնյանը կխաղա Չինաստանը ներկայացնող Հոու Յիֆանի հետ:

 

Լուսանկարը` մրցաշարի պաշտոնական կայքի

 

Այլ նորություններ