Սինքֆիլդի գավաթ. Լեւոն Արոնյանը հաղթել է առաջին պարտիայում

11:35 - 03 Օգո, 2017

ԱՄՆ-ի Սենթ Լուիս քաղաքում մեկնարկել է շախմատի Սինքֆիլդի գավաթի խաղարկությունը: Մրցաշարին մասնակցում է տասը գրոսմայստեր, այդ թվում հայկական շախմատի առաջատար Լևոն Արոնյանը:

Առաջին տուրում Արոնյանը սպիտակներով հաղթել է Ռուսաստանի ներկայացուցիչ Յան Նեպոմնյաշչիին:

Առաջին տուրից հետո Լեւոն Արոնյանը, Մաքսիմ Վաշյե-Լագրավը եւ Սերգեյ Կարյակինը մեկական միավորով գլխավորում են մրցաշարային աղյուսակը: Երկրորդ տուրում հայ գրոսմայստերը կխաղա Ֆաբիանո Կարուանայի հետ:

Մասնակիցների կազմ. Լեւոն Արոնյան (Հայաստան),  Մագնուս Կարլսեն (Նորվեգիա), Ուեսլի Սո (ԱՄՆ), Ֆաբիանո Կարուանա (ԱՄՆ), Հիկարու Նակամուրա (ԱՄՆ), Մաքսիմ Վաշյե-Լագրավ (Ֆրանսիա), Վիշվանաթան Անանդ (Հնդկաստան), Սերգեյ Կարյակին (Ռուսաստան), Պյոտր Սվիդլեր (Ռուսաստան) եւ Յան Նեպոմնյաշչի (Ռուսաստան):

Մրցաշարը կշարունակվի մինչեւ օգոստոսի 12-ը:

 

 

Լուսանկարը` մրցաշարի պաշտոնական կայքի

Այլ նորություններ