Հայաստանի առաջատար հեծանվորդները դեռևս անցյալ տարեվերջից են սկսել 2019թ. մրցաշրջանի նախապատրաստությունը: Այս մասին ասաց ՀՀ հեծանվային սպորտի ֆեդերացիայի  փոխնախագահ, ՀՀ սպորտի նախարարության հանրապետական մարզադպրոցի տնօրեն Մարտին Շարբաթյանը: Այս փուլում, մարզչական խորհրդի որոշմամբ, անցկացվում են ընդհանուր  ֆիզպատրաստականությունը բարելավող պարապմունքներ: Բարենպաստ եղանակի դեպքում մարզումներն ընթանում են համապատասխան խճուղիներում: Զուգահեռաբար մասնագետ վարպետները կատարում են մարզագույքի վերանորոգման աշխատանքները, որի համար ձեռք են բերվել անհրաժեշտ բոլոր պահեստամասերը: Մարզումներում ընդգրկված  տարբեր տարիքային   խմբերի հեծանվորդները , նրանց թվում ` Եվրոպայի երիտասարդների  կրկնակի չեմպիոն Էդգար  Ստեփանյանը , միմյանցից սովորելու շատ բան ունեն:

Առաջին մեկնարկը կտրվի մարտին, Երևանում ` խճուղային հեծանվավազքով:

ՀԱՕԿ լրատվական բաժին