Ամառային 16-րդ Օլիմպիական փառատոնը կանցկացվի Բանսկա Բիստրիցայում
12:35 - 30 Հուլ, 2019
Սլովակիայի Բանսկա Բիստրիցա քաղաքը 2021 թվականին կհյուրընկալի Օլիմպիական ամառային պատանեկան 16-րդ փառատոնը:
Համապատասխան փաստաթղթի տակ ստորագրել են Եվրոպական օլիմպիական կոմիտեների նախագահ Յանեզ Կոցիյանչիչը, գլխավոր քարտուղար Ռաֆայել Պագնոցին և Սլովակիայի օլիմպիական կոմիտեի նախագահ Անտոն Սիկելը:
2017 թվականին Բանսկա Բիստրիցան ճանաչվել է Եվրոպայի ամենասպորտային քաղաքներից մեկը և արժանացել է հեղինակավոր ACES Europe մրցանակին:
16-րդ ամառային պատանեկան Օլիմպիական փառատոնը կանցկացվի հուլիսի 24-ից օգոստոսի 1-ը: 14-18 տարեկան մարզիկները կմրցեն 10 մարզաձևերում:
Այլ նորություններ
