Մոսկվայի << Մեծ մրցանակ >> անունը կրող գեղարվեստական մարմնամարզության միջազգային  մրցաշարում  գոհացնող մրցելույթներ ունեցավ Հայաստանի մարզական դրոշի պատիվը պաշտպանող  Յուլիա Վոդոպյանովան։ 40 մասնակիցների պայքարում նա գնդակ և գուրզեր առարկաներով մրցաձևերում մտավ եզրափակիչ ` ուժեղագույն ությակ: Վճռական փուլում նա նույնպես վստահ մրցելույթներ ունեցավ և գրավեց հաջորդաբար հինգերորդ և վեցերորդ տեղերը:

Մրցավարական հանձնախմբում աշխատող, ՀՀ հավաքականի գլխավոր մարզիչ Գայանե Ներսիսյանն ասաց, որ Յուլիան մարտ և ապրիլ ամիսներին կմասնակցի իրար հաջորդող օլիմպիական վարկանիշային չորս մրցաշարերի և Կիևում` մայիսին անցկացվելիք Եվրոպայի առաջնությանը : Եթե  սայթաքումներ չլինեն, ապա նրա ունակությունները լիովին կբավարարեն լուծելու օլիմպիական ուղեգիր ստանալու հարցը:

Մոսկովյան ստուգատեսին զուգահեռ անցկացված << Գազպրոմի >> սահմանած  մրցանակների խաղարկությունում, 40 մասնակիցների մրցավեճում, մեր Յասմինա Աղագուլյանը գրավեց 16 –րդ տեղը:

Կրտսեր  մարզուհիների թիմային մրցումներում  Անժելիկա Կարախանյան - Միլանա Գևորգյան երկյակը,    քսան երկրների   մասնակիցների պայքարում,  տեղ գտավ աղյուսակի  14 - րդ հորիզոնականում: