Լոնդոն մեկնելուց առաջ, այսօր՝ մարտի 9-ին, Օլիմպավանում իր վերջին պարապմունքն անցկացրեց ՀՀ բռնցքամարտի հավաքականը: Գլխավոր մարզիչ Ռաֆայել Մեհրաբյանը հանդիպեց մարզական լրագրողներին: Նա հիմնականում գոհ է թիմի անդամների ընդհանուր պատրաստականությունից: Բայց նախապես չի կարող ասել, թե քանի օլիմպիական ուղեգիր կունենան: Այս պարագայում որոշակի դեր են խաղում վիճակահանությունը, անկողմնակալ մրցավարությունը, ազնիվ մրցակցությունը և այլ գործոններ:

Մասնագետին հուսադրում է  տղաների մարտունակությունը: Իր սաների << բնավորությունը >> ուսումնասիրել է   Դոնի Ռոստովում, Դոնեցկում, Իվանո Ֆրանկովսկում, Մինսկում և Երևանում անցկացված  մրցաշարերում:

Քաշային կարգերում տարբեր քանակության ուղեգրեր են խաղարկվելու: Տղամարդկանց 52, 57 եւ 63 կգ քաշային կարգերում դրանք 8-ական են, 69, 75 եւ 81կգ-ում՝ 6-ական, 91 եւ +91կգ քաշային կարգերում 4-ական, կանանց 51կգ-ում՝ 6, իսկ 69կգ-ում՝ 5: Ուղեգրերն անվանական են:

Նախամեկնարկային ստուգողական  հանդիպումներ է կազմակերպել Օլիմպավանում: Այն գոհացրել է բազամափորձ մասնագետին, ով  հույս  ունի,որ իր թիմը  նվազագույնը 3 օլիմպիական ուղեգիր կնվաճի: