Կիպրոսի Լիմասոլ քաղաքում ընթանում է  Եվրոպայի սամբոյի առաջնությունը: Մասնակցում են տարիքային չորս խմբի ներկայացուցիչներ:

Առաջինը մրցագորգ ելան   մեծահասակները: Դասական / մարզական / սամբոյի մրցաշարում Հայաստանի պատվիրակներից մեդալակիր դարձավ միայն Դավիթ Հովսեփյանը / 58 կգ /: Նա գրավեց երրորդ տեղը և պարգևատրվեց բրոնզե մեդալով:

Մեր մարզիկները առավել հաջող հանդես եկան մարտական սամբոյում: Արման Ավանեսյանը / 98 կգ / գրավեց առաջին տեղը և արժանացավ չեմպիոնի պատվին: Նրա թիմակիցներ Համլետ Սուքիասյանը / 58 կգ /, Մհեր Մերջանյանը / 71 կգ /, Արթուր Մալխասյանը / 79 կգ / և Ավետիք Պողոսյանը / 88 կգ / դարձան երրորդ մրցանակակիր և կանգնեցին պատվանդանի  << բրոնզե >>  աստիճանին:

Այսօրվանից մրցագորգերը տրամադրվեցին կրտսեր, պատանի և երիատասարդ սամբիստներին:

Առաջնությունը կավարտվի ապրիլի 27 –ին :