Միջազգային օլիմպիական կոմիտեի  / ՄՕԿ /  հետազոտությունը ցույց է  տվել, որ COVID-19 համաճարակի ընթացքում մարզիկների համար ամենամեծ մարտահրավերներն են եղել  հոգեկան առողջության և մարզավիճակի կառավարումը։

Հարցումն անցկացվել է ութ լեզուներով, որին մասնակցել են ավելի քան 135 երկրների  4000 մարզիկներ: Արդյունքները ցույց են տվել որ սահմանափակումների պատճառով  հարցվածների 50 տոկոսը  դժվարությունների է հանդիպել  արդյունավետ մարզումների պարագայում։  Ամենաբարդը` բարոյակամային որակները, մարզավիճակի  կառավարման և սննդակարգի պահպանման խնդիրներն են եղել : 

ՄՕԿ-ի հրապարակած փաստաթղթում ասված է, որ  շատերը երկար ժամանակ չմարզվելու պատճառով  ունեցել  են ընկճախտի և անհանգստության ախտանիշներ։ Իրավիճակը սրել է  Տոկիոյի օլիմպիական խաղերը հետաձգելու փաստը։